ഒറ്റപ്പെടലിന്റെ നിശബ്ദത ഭയങ്കരമാണ്

 

തെരുവിൽ

ആൾക്കൂട്ടത്തിൽ

വീട്ടിൽ

ഓഫീസിൽ

കൂട്ടുകാർക്കിടയിൽ

ഒറ്റപ്പെടലിന്റെ നിശബ്ദത ഭയങ്കരമാണ്.

ആൾ കൂട്ടം ചുറ്റുമില്ലാത്തതല്ല ഒറ്റപ്പെടൽ. കൂട്ടം തെറ്റിമേയുന്ന മനസ്സിന്റെ അന്ന്യം നിന്ന് പോകലാണ്‌ ഒറ്റപ്പെടൽ.

സത്യത്തിൽ ഒറ്റപ്പെടൽ ആൾക്കൂട്ടത്തിൽ മാത്രം വരുന്ന ഏകാന്തതകളാണ് .

ഒരു നിർവികാരമായ നിശബ്ദത.

ഒന്നും തന്റേതല്ലാത്ത ഒരു തോന്നൽ.

താനൊന്നിന്റെയും ഭാഗമല്ലാത്ത തോന്നൽ

മുന്നിലിരിക്കുന്ന കാൻവാസിൽ കൈകളറിയാതെ നീങ്ങുന്പോൾ

നിഴലുകൾ പോലെ

നിറങ്ങളിൽ വിരിയുന്ന ഏകാന്തതകൾ-

അന്ന്യം നിന്നുപോകുന്ന മനുഷ്യർ, മണ്ണ് , മനസ്സുകൾ

പാതിയിൽ പകുത്തെടുക്കുന്ന ഓർമ്മ തെറ്റിയ രൂപങ്ങൾ

പാതിയിൽ മടുപ്പുവന്നു വലിച്ചെറിഞ്ഞ നിർവ്വികാരതകൾ

ഒറ്റപ്പെടലിന്റെ നിശബ്ദത ഭയങ്കരമാണ്

ആൾക്ക്കൂട്ടങ്ങളെന്നും

ഒറ്റപ്പെട്ടവരുടെ നിശബ്ദതയാണ്

നിസ്സഹായതയാണ്