നിന്റെ നിശബ്ദതയിൽ

1
നിന്റെ നിശബ്ദതയിൽ
ഞാനെന്നും
സമയത്തിന്റെ നിലവിളികൾ
കേട്ടിരുന്നു

2
അടഞ്ഞ വാതിലിനപ്പുറത്തും ഇപ്പുറത്തും
കാഴ്ചകളെന്നും ശബ്ദങ്ങൾ മാത്രമാണല്ലോ

3
ഇടിമിന്നൽ കൊരുത്ത
ഇരുട്ടും വെളിച്ചവുമല്ലാത്ത രാത്രിയിൽ
ഒരു മൗനത്തിനു തിരി കൊളുത്തി
ഉമ്മറത്തു തൂക്കിയപ്പോൾ
ശബ്ദവും കാഴ്ച്ചയുമല്ലാത്ത
ഭയം
അടച്ച ജനവാതിലിനു പിന്നിൽ
കാതടച്ചു പിടിച്ചു
കണ്ണടച്ച് പിടിച്ചു
വിറങ്ങലിച്ചു നിന്നു

4
ഏഷ്യൻ ഭൂഘണ്ടത്തിൽ നിന്നും
റഡാർ ഉത്തര കൊറിയയിലേക്ക് തിരിയുന്നു

5
നിന്റെ നിശബ്ദതയിൽ
ഞാനെന്നും
സമയത്തിന്റെ നിലവിളികൾ
 കേട്ടിരുന്നു