കാണാതെ പോയോരഞ്ചുരൂപ

വഴിവക്കിലെനിക്ക് വീണു കിട്ടിയതാണ്
അരികു കീറിയോരഞ്ച്  രൂപ
പാതിയിലേറെ മുഷിഞ്ഞ
ഗാന്ധി പതിഞ്ഞ വെള്ള കോണിൽ
ആരോ ഒരു പ്രേമ നൊംബരം കുറിച്ചിട്ടിരുന്നു
നഷ്ടമായതോ
നേടാനാകാതെ പോയതോ ആയ
ഒരു പ്രണയത്തിന്റെ കനൽചൂട്  അതിനുണ്ടായിരുന്നു
ഒരുപക്ഷെ പിന്തള്ളപെട്ട ഒരു കൊച്ചു ഹൃദയത്തിന്റെ
കാല്പനികതയുമാകാം 
പാവം
അരികു കീറി വഴിയരികിൽ നഷ്ടമായോരഞ്ചു രൂപ
ഒരു നഷ്ടബോധത്തിന്റെ അഞ്ചുരൂപ
ആരൊക്കെയോ കണ്ടിട്ടും
കാണാതെ പോയോരഞ്ചുരൂപ
എടുത്തു  ഭിക്ഷച്ചട്ടിയിലിട്ടപ്പോൾ
അന്ധനായ ഭിക്ഷക്കാരൻ
അതറിയാതെ പിന്നെയും പറഞ്ഞു
"അമ്മാ വല്ലതും തരണേ...